Ողջույն և բարի գալուստ մեր կայք
«MEL DECOR» ընկերությունը բնակարաններում և առանձնատներում, ինչպես նաև հասարակական տարածքներում ներքին հարդարման նորագույն և ժամանակակից լուծումներ առաջարկող ընկերություն է։
Ովքե՞ր ենք մենք
Մեր պրոֆեսիոնալ թիմն իրականացնում է նախադեպը չունեցող ճարտարապետական տեքստիլով պատերի մոնտաժման աշխատանքներ։ Այն նորամուծություն է հայաստանյան շուկայում, որը հնարավորություն է ընձեռում իրականություն դարձնել ամենաքմահաճ դիզայներական լուծումները։
Ի՞նչ ենք առաջարկում
Պատերի ծածկույթն իրենից ներկայացնում է հատուկ մշակված ճարտարապետական տեքստիլ, որն ունի պատերին հատուկ տարաբնույթ դիզայն և տեքստուրա։ Առաջարկում ենք գույնի և տեքստուրայի ավելի քան հարյուր տեսակ։
Ինչպե՞ս է այն մոնտաժվում
Գոյություն ունեցող պատերի եզրերին, առանց դրանց մակերևույթը հարթեցնելու, ամրացվում են անոդացված ալյումինից պատրաստված ուղղորդող պրոֆիլներ, իսկ պատի ամբողջ մակերևույթը պատվում է ձայնախլացուցիչ հատուկ թաղանթով։ Այնուհետև պատի ողջ երկայնքով ձգվում է ճարտարապետական տեքստիլը, ինչն անգամ թեքություն ունեցող պատը դարձնում է կատարյալ հարթ։ Արդյունքում՝ պատի հաստությունն ավելանում է ընդամենը 1.2 սանտիմետրով։
Ինչու ընտրել այս մեթոդը
Պատերի մոնտաժման այս մեթոդը պահանջում է մինչև 3 անգամ ավելի քիչ ժամանակ, իսկ աշխատանքներն իրականացվում են կատարյալ մաքուր միջավայրում՝ առանց փոշու և տհաճ հոտերի։ Ավելին՝ աշխատանքները կարող են իրականացվել առանց բնակարանն ազատելու անհրաժեշտության։
Մեր մոտեցումը
Մեր գործունեության հիմքում ընկած է նորարարությանն ու տեխնոլոգիական առաջընթացին համահունչ շարժվելու գաղափարախոսությունը։ Յուրաքանչյուր հաճախորդի հետ աշխատելիս մենք անհրաժեշտ ենք համարում գտնել հենց նրա նախասիրություններին և կենսակերպին համապատասխանող լուծումներ։