«MEL DECOR» ընկերությունը բնակարաններում և առանձնատներում, ինչպես նաև հասարակական տարածքներում ներքին հարդարման նորագույն և ժամանակակից լուծումներ առաջարկող ընկերություն է։
Մեր պրոֆեսիոնալ թիմն իրականացնում է նախադեպը չունեցող ճարտարապետական տեքստիլով պատերի մոնտաժման աշխատանքներ։ Այն նորամուծություն է հայաստանյան շուկայում, որը հնարավորություն է ընձեռում իրականություն դարձնել ամենաքմահաճ դիզայներական լուծումները։
Պատերի ծածկույթն իրենից ներկայացնում է հատուկ մշակված ճարտարապետական տեքստիլ՝ ձայնախլացուցիչ հատկությամբ, որն ունի տարաբնույթ դիզայն և տեքստուրա։ Առաջարկում ենք գույնի և տեքստուրայի ավելի քան հարյուր տեսակ։
Գոյություն ունեցող պատերի եզրերին, առանց դրանց մակերևույթը հարթեցնելու, ամրացվում են անոդացված ալյումինից պատրաստված ուղղորդող պրոֆիլներ, իսկ պատի ամբողջ մակերևույթը պատվում է ձայնախլացուցիչ հատուկ թաղանթով։ Այնուհետև պատի ողջ երկայնքով ձգվում է ճարտարապետական տեքստիլը, ինչն անգամ որոշակի թեքություն ունեցող պատը դարձնում է կատարյալ հարթ։ Արդյունքում՝ պատի հաստությունն ավելանում է ընդամենը 1.2 սանտիմետրով։
Պատերի մոնտաժման այս մեթոդը պահանջում է մինչև 3 անգամ ավելի քիչ ժամանակ, իսկ աշխատանքներն իրականացվում են որակավորված մասնագետների կողմից, կատարյալ մաքուր միջավայրում՝ առանց փոշու և տհաճ հոտերի առկայության։ Ավելին՝ աշխատանքները կարող են իրականացվել առանց բնակարանն ազատելու անհրաժեշտության։
Մեր գործունեության հիմքում ընկած է նորարարությանն ու տեխնոլոգիական առաջընթացին համահունչ շարժվելու և հաճախորդակենտրոն մոտեցում ցուցաբերելու գաղափարախոսությունը։ Յուրաքանչյուր հաճախորդի հետ աշխատելիս՝ մենք անհրաժեշտ ենք համարում գտնել հենց նրա նախասիրություններին և կենսակերպին համապատասխանող լուծումներ՝ հաշվի առնելով նաև վերջիններիս դիզայներական գաղափարները։
